Baca Juga
Penulis Jhon Pratama
Bajalan urang barami rami
Singgah sabanta pasa baso
Ramadhan datang disukuri dihati
Marilah meminta ka Nan kuaso
Pakan baru langsueang kaduri
Naieak Oto bus nyo kancang
Bamaafan paralu untueang kami
Dunsanak ambo harus manimbang
Tarang bulan di ateh angkasa
Tando ndak ka mungkin hujan
Sanang kawan di baleh kata
Ambo indak ka lupoin kawan
Bajalan paliharo lah kaki
Beko salah langkah kito
Kawan ambo molah kamari
Ambo basalah maaf dipinto
Biarlah hati yang mangato
Disinan kito tau sadari diri
Marilah kini tuang diri kito
Maafkan ambo kabulan suci
Jago lisan ka mangangecek
Supayo urang ndak tasingueang
Puaso ramadhan sarato Nieak
Ambo sanang sanak manyambueang.
Disusun jari nan kasapulueah
Minta ampun ka pado Allah
Dimanapun diri nan manampueah
Puasa kawan perintah Allah
Puaso tibo ramadhan bulanyo
Anak anak tunjueak ajari
Ambo hanyo bapasan pulo
Sanak ajak bujueak kasadonyo pamili
Seminggu lai mungkin puaso
Jalang manjalang itu tradisi
Manunggu lai yakin sanak sudaro
Riang sanang katuju kami
Riak gelombang aie di lauwiak
Urang manjalo ikannyo capa
Dunsanak sanang laie manurueak
Riang kironyo berbuka puasa
Ampek ampek jadi salapan
Tambah duo jadi sapulueah
Dunsanak ingek lai bapasan
Ibadah kito mulai dari subueah.